📌 دستور قسم الأحزاب والطلايب (اقرا وبعدين حشّش)

[『 السـيـنـاتـور 』]

تنويه قبل لا نبلش

راح نحچي بهالقسم باللهجة العراقية الساخرة، لأن هذا المكان معمول خصيصًا للتحشيش والطلايب.
أي شي ينكتب هنا هدفه الضحك والفرفشة فقط، فالجدّية نخليها برّة القسم
وبالمناسبة… هذا القسم خالي من الرسميات نهائيًا، لا بيانات، لا خطابات، ولا “مع فائق التقدير”.

القوانين (لا تخاف قصيرة وخفيفة)

القسم تحشيش مو مؤتمر صحفي
كلشي هنا نكت وطلايب وأحزاب كرتونية… اللي يريد جد، ضلّع طريقه.

الأحزاب هنا وهمية
أي تشابه ويا أحزاب حقيقية… مجرد ضحك لا أكثر

ممنوع السب والشتم
نضحك إي، نخرب الجو لا.
اضرب الطلايب بس بلا كدمات

لا تحوّلها معركة
اختلافك مسموح، بس لا تطگها تعارك وكأنها مناظرة انتخابية.

النكتة البايتة
لا تسخنها بالمايكرويف وفّرها لذكرياتك الحلوة

ممنوع العيب الزايد
التحشيش حلو، بس إذا تجاوز حدوده يصير ثكيل دم.

الصور والمنشورات
خليها خفيفة، ضريفة، وما تأذي أحد.

قرارات الإدارة نافذة
لا انقلاب، لا اعتصام، ولا بيانات شجب بالتعليقات

استمتع وخف دمك
اضحك وخلّي غيرك يضحك وياك…
ضحك إي… زعل لا

خاتمة
هذا القسم معمول حتى نضحك ونفرفش وننسى الهم شويّة،
فاللي داخل هنا يعرف…
التحشيش هو القانون الأول والأخير