رسائل.. شعر شعبي..

[قائد نعمان]

لا تحلم ارد اردود واتعذب
ولا جيه لليالي الشوگ وتگرب
محد يگدر يصالح بشر ملجوم
الحب مرة وحده، اثنين ما ينحب
الگلب منك تعود ادمن الحرمان
حسافه اول محب بالغدر تتلقب
اذا الود افتراضي والحروف شهود
جا بالواقع شكم من عهد نسحب؟!
تعلمت الفراسه بقدرة النسيان
ويضل حبنه حقيقة شما ردت تحجب
بعيد انت على مد الشوف عن البال
يالغادرت كلبي البي كمت تلعب
اذا شوفك اشوف الغربه بعيونك
واسد العين لو جيت بحلم تعتب
عشكتك بس اعاند بيك ذاك الحيد
ومن طال العناد تحول لمقلب
ما ادري اوكعت بالحب بلا تفكير
وخصوصا انت بادي بالعشگ والحب
تندم لو صحيت بنص ملامة ناس
كم مخلص خسرته بدون ما تحسب؟.

بقلميـ سبق النشر

[كراميلا ❥]

سلم قلمك ابداع

[نور محمد]

سلمت اناملك وابداعك

[حنان البصرة]

لا تحلم ارد اردود واتعذب
ولا جيه لليالي الشوگ وتگرب
محد يگدر يصالح بشر ملجوم
الحب مرة وحده، اثنين ما ينحب
......................................
هنا تذكرت بداية مسيرتي الفنيه من جنت متأثره بقيس وفخريه هههههههههه

تسلم ايدك ويسلم قلمك الراقي استاذي
لاتزعل اذا ما احشش وتحرش يصير بيه صرع هههههههههههههه

[قائد نعمان]

سلم قلمك ابداع

شكرا للمرور العطر
انرتِ

[قائد نعمان]

سلمت اناملك وابداعك

الله يسلمج على كلماتج
انرتِ

[قائد نعمان]

لا تحلم ارد اردود واتعذب
ولا جيه لليالي الشوگ وتگرب
محد يگدر يصالح بشر ملجوم
الحب مرة وحده، اثنين ما ينحب
......................................
هنا تذكرت بداية مسيرتي الفنيه من جنت متأثره بقيس وفخريه هههههههههه

تسلم ايدك ويسلم قلمك الراقي استاذي
لاتزعل اذا ما احشش وتحرش يصير بيه صرع هههههههههههههه

ههههههه واضح التأثير من البداية
قيس وفخرية مدرسة بحد ذاتها.. ومن تتأثرين بيهم طبيعي يطلع عندج هذا الحس الفني الجميل.
تسلمين حنانو.. على لطفج وكلامج الطيب، وهذا من ذوقج
وبالعكس لا توقفين الحش والتحرش ترا احنه عايشين عليه هههههه
و خلي الصرع بعيد عنج.. وخلي المنتدى يظل مليان ضحك وإبداع

[The King]

يسلمـ قلمكـ يامبدع

كلمات راااقت لي

[سيدهم]

مو كل من مرّ بينا يصير محبوب
ولا كل قلب يهوى يبقى يتعب
إذا الحب مرّة بصدق ينزرع بالروح
يبقى العمر كله وما يتبدّل ولا يهرب
وإن كان قلبك انجرح من يوم
تره الجرح يبرى… بس الطيب ما يخرب



تسلم ايدك عل اضافة

[قائد نعمان]

يسلمـ قلمكـ يامبدع

كلمات راااقت لي

يسلم نبض حضورك أستاذ الملك
وسعيد أن الحروف وجدت صدى في ذائقتك الراقية
شكراً لمرورك العطر.