جمهور مسلسل عيلة خمس نجوم يشهد بداية حب حقيقية

[كراميلا ❥]

بينما كان الجمهور يتابع مسلسل عيلة خمس نجوم عام 1994، ما كان حدا بيعرف إنو واحد من مشاهده رح يكون بداية قصة حب حقيقية..

بهديك الفترة ظهرت الفنانة السورية سلافة عويشق بأحد الحلقات، وكانت أول مرة بتجتمع فيها تمثيليًا مع فارس الحلو… الرجل اللي رح يصير لاحقًا شريك حياتها.

القصة ما وقفت عند حدود الكاميرا، لأن شرارة الحب بلشت بالكواليس. فارس حسّ إنو سلافة بتفهم صمتو قبل كلامو، وهيدا الشي خلاه يقتنع إنو لاقى الشريكة اللي بتمنح حياتو توازن وراحة..

أما سلافة، فشافت بفارس الصديق والداعم اللي ممكن يشاركها لحظات النجاح والانكسار. وما طول الأمر كتير، لحتى توّجت العلاقة بالزواج سنة 1996، وأنجبوا بنتين: نورا ومرح.

بعد الزواج، خفّت مشاركات سلافة الفنية لفترة، لأنو فضّلت تركّز أكتر على حياتها العائلية ومسؤولياتها كأم. لكن هالابتعاد ما كان نهائي، لأنها رجعت لاحقًا للشاشة واختارت أعمالها بهدوء ووفق قناعاتها، معتبرة إنو الأهم هو متعة التمثيل نفسها، بعيدًا عن هاجس الشهرة أو المال.

ودائمًا بتأكد سلافة إنو علاقتها بزوجها فارس الحلو لعبت دور إيجابي بتجربتها الفنية، كمان انشغالها بعيلتها خلّاها تختار أدوارها بدقة أكتر، وما تعود تندفع وراء أي عمل. بالنسبة إلها، دور أو دورين بالسنة ممكن يكونوا كافيين ليخلّوها حاضرة فنيًا من دون ما تضطر تقبل أعمال ما بتقتنع فيها..

لكن حياتهم ما خلت من التحديات. سلافة وفارس اضطرّوا يغادروا سوريا بسبب مواقف فارس السياسية ودعمه للثورة..

وقالت سلافة إنو زوجها دفع ثمن هالمواقف، ولحقت فيه العيلة إلى فرنسا بوقت صار فيه البقاء بدمشق خطر حقيقي. وقتها ما كانوا متوقعين إنو الغياب رح يطول، لكن السنوات مرّت وصار البعد عن الوطن يمتد لأكثر من أربعة عشر عامًا..

وبعد هالسنين، رجع اسم الثنائي يتصدّر الحديث من جديد بعد ظهورهما معًا في مسلسل مولانا. المشهد اللي جمعهما اعتبره كثير من المتابعين من أجمل لحظات العمل، لأنو ما كان بس قوي دراميًا، بل حمل كمان صدقًا وعاطفة نابعة من علاقة حقيقية بين نجمين جمعتهما الحياة قبل الشاشة.

واليوم، كثير من الجمهور عم يتمنى يشوف سلافة عويشق وفارس الحلو بعمل كوميدي جديد بالمواسم الجاية، خصوصًا إنو الدراما العربية بحاجة ترجع تعيش أجواء الكوميديا والضحكة اللي اشتُهر فيها هالثنائي من زمان.

[《《《《 ابنة العراق 》》》》]

ارقى كوميديا امووووت عليها

[كراميلا ❥]

يسلم هل مرور والطلة الحلوه

[الإدعشري]

اي شو هااد بس بتحبو عيلة خمس نجووم بدنا هيك شي لباب الحارة بنفرفش وبنعيد امجادنا يااابي بدي شوف معروف وصبحي وناظمية وشفيقة حاكم اشتقتلهن كتييير

كتر خيرك ياابي كراميلا وانا كمان بحب هي المسلسل

[كراميلا ❥]

ههههه يسعد قلبك
يسلم هل مرور والطلة الحلوه

[سيدهم]

اضافة جميله سلمت يداك

[كراميلا ❥]

يسلم هل مرور والطلة الحلوه

[هيبة رجل]

مسلسل رائع عاشت الايادي

[كراميلا ❥]

يسلم هل مرور والطلة الحلوه