منتديات شط العرب

مرسل: **الخميس 2026/3/12 1:25 am**

الجفوف العاشرتهن
كبل جفك .. باهتات
بجفك ملوحة شلب

وبروحي شوك سنون منجل ..
خل أحصدك ....

خل أغرز بيك لآخر مشتهاتي ..

واختصر بشفايفك معنى العطش

عمري 6 آلاف خطوه من القحط
وانت حدر زلوفك
تخضرّ محنه

وشوكي أبد مابيه دغش ....

لاتّيهني الليالي العشت بيهن موحشات .
بروحي صفنة بوم
والدنيه خرابه ....

والرمل غطه الدروب
ولو شفت وجهك أغرد

شلون مثلي بشوك مثلك مايذوب ؟؟
شلون أتوب ؟؟!!

حتى لو طولك سراب
بمشتهاتي أشرب سرابك
انت حيّ على الحياة

اوذان روحي يصيح بيك ....
مشتهـــــــــــــــيك

بكثر مابالناصريه هموم
وبروحي حزن ....

راكد بروحي الرماد
وانت مدري منين اجيت
تريد تنفخ صور بيّه
وتبتدي بروحي القيامه

والذنوب البيّه كلها من الكبائر
حبي الداخل حسن ..
وانتمائي الناصريتي
وارتدائي الخاكي أيام الشباب

الملح زادي ....
والخمر بيه أسكي صحراء القصايد

والشعار الشايله
يناقض قوانين الحكومه ..

الحب وطن
والنشيد الوطني بيه .. حاسبينك ..
والفرات
يصير شاعر
من يمر بالناصريه

مرسل: **الخميس 2026/3/12 1:12 pm**

قصيدة تكتب تاريخ الناصرية
من عطش الروح الى الملوحة
فيها مزيج بين الحنين والتمرد

المهم حلوة كلش كلش
عاشت ايدج مشرفتنا

مرسل: **الخميس 2026/3/12 5:14 pm**

يسلم هل مرور والطلة الحلوه

مرسل: **الخميس 2026/3/12 7:57 pm**

اضافه رائعه

لي عوده هنا

تسلم ايدج

مرسل: **الجمعة 2026/3/13 2:48 am**

تنوري يا قلبي

مرسل: **الجمعة 2026/3/13 4:37 am**

روعة وربي

مرسل: **الجمعة 2026/3/13 3:20 pm**

يسلم هل مرور والطلة الحلوه

منتديات شط العرب

انت مدري منين اجيت

انت مدري منين اجيت

Re: انت مدري منين اجيت

Re: انت مدري منين اجيت

Re: انت مدري منين اجيت

Re: انت مدري منين اجيت

Re: انت مدري منين اجيت

Re: انت مدري منين اجيت